ದೇವರು ವರವನು ಕೊಟ್ಟರೂ ನಾನು
ಬೇಡೆನು ಎನನೂ ಸಾಕು ನೀ ನನಗಿನ್ನು|
ಬೇಡುವುದಾದರೆ ಬೇಡುವೆ ದೇವರ
ಸೃಷ್ಟಿಸದಿರುವಂತೆ ನಿನಗಿಂತ
ಬೇರೆ ಯಾವ ಚೆಲುವೆಯನು||
ದೇವರ ವರವನು ಬೇಡುವೆ ನಾನು
ನಿನ್ನಂದವ ನೋಡುತ ಕಾಲ ಕಳೆಯಲು
ಹಗಲು ಸಮಯವ ಹೆಚ್ಚಿಸು ಎಂದು|
ನೀನಿರದ ಇರುಳ ಸಮಯವ ತಗ್ಗಿಸು ಎಂದು
ನೀ ಜೊತೆ ಇರುವ ಒಂದು ದಿನವ
ಒಂದು ವಸಂತವಾಗಿಸುಯೆಂದು ||
ನೀ ಬಾರದ ಆ ದಿನವನು
ಅಮವಾಸೆಯಾಗಿಸು ಎಂದು|
ನೀ ಸಂತೋಷವಾಗಿರುವ ದಿನವೆಲ್ಲವ
ಹುಣ್ಣಿಮೆಯಾಗಿಸು ಎಂದು|
ನೀ ಮರೆಯಾದ ಕ್ಷಣವ
ಮತ್ತೆ ಮರಳಿ ದಯಪಾಲಿಸು ಎಂದು|
ಒಲಿದರಿಂತ ಚೆಲುವೆಯೇ
ಒಲಿಯಬೇಕೆನ್ನ ಮುಂದಿನ ಜನ್ಮಕೆ
ಒಲಿಯದಿದ್ದರೆ ಮುಂದಿನ
ಜನ್ಮವೇತಕೆ ಈ ಜೀವಕೆ?||
*****
